قصة إخراج الجني مني…
بدأت القصة لما كنت بصف الثالث ثانوي(بكالوريا).
وجع رأس ليل نهار ،لمدة أول أسبوع كنت آخذ 3 حبات سيتامول لوجع الرأس يوميا لحتى يخف الوجع و بس انتهى مفعول الحبة يرجع وجع الرأس،ثاني أسبوع ما عد نفع حبة حبة صار لازم حبتين حبتين مرة وحدة ليخف الوجع.أخذت حبتين لمدة يومين و وقفت.رحت ع الدكتور فحصني قال الدكتور لأبي ابنك ما فيه شي ،وجع رأس عادي قال له أبي شو عادي وجع رأس ما ع يخف إلا بحبتين سيتامول كل مرة.كل هذا ع حساب البكالوريا ما كنت أدرس شي.بعدين لقيت حل لوجع الرأس إني نام ،كنت روح ع المدرسة ألتهي با لدوام بس ارجع ع البيت اتغدا و فوت على غرفتي يرجع وجع الرأس ما ارتاح منه إلا با لنوم و أول ما فيق يرجع وجع الرأس.
إي و بعدين مع ها لحالة إيمت بدي ادرس ، أمي حكت شو صاير معي لخالتي ،قالت خالتي ليكون حدا عامل له سحر،ساحره.سمعت في شيخة بدير سلمان تعرف لو مسحور او لا و لو مسحور تفك السحر،خالتي حكت هيك بطيب نية.راحت امي و خالتي لعند ها لشيخة و مو عارفين إن ها لشيخة هي الساحرة و الدجالة.عطتهم حجاب قالت لأمي إحشيه با لمخدة يلي بنام عليها.هي أمي حطت الحجاب من هون با لمخدة و انا صرت شوف كوابيس .
يا محلا قبل ما تروح ع الشيخة كنت نام بدون كوابيس، و ها لدجالة بدل ما تكحلها عمتها.يوم من الأيام جيت نام ، حسيت المخدة سميكة كثير شو فيها ها لمخدة حجار.مزقت خيطان المخدة و فتحتها لقيت ورقة ملزقة بلزيق كثير ،جبت سكين و قطعت اللزيق شوي شوي لحد ما وصلت للورقة يلي ملفوفة ع بعضها ،فتحتها مكتوب فيها اسمي و اسم امي و طلاسم ما فهمت منها شي و آخر شي مكتوب آية الكرسي با لمقلوب.هون عرفت سبب الكوابيس و إن لو ما كان معمول لي سحر من قبل ، ها لدجالة عملت لي سحر.و لهلق وجع الرأس لسه ما فارقني و الدراسة أبدا ،كان باقي للفحص النهائي،شهر و انا لسه ما دارس شي.مقضيها نوم.يوم من الأيام أبي حكى لرفيقه ،قال له يا ابو فلان ابني من صف الاول للحادي عشر من المتفوقين دائما،وصل ع البكالوريا ما ع يدرس شي ليكه باقي شهر للامتحان ما دارس شي دائما بيشكي من وجع رأس ما بخف عنه إلا با لنوم.
قال رفيقه إن شاء الله شفاؤه ع يد الشيخ فلان، زوجتي كانت مثل ابنك وجع راس ليل نهار ،لحد ما رحنا ع هذا الشيخ طلع متلبسها جني و طلع الجني قدامي و الجن حكا بصوتها.قال له أبي شو ها لحكي ما بصدق انا هك شغلات ، قال له طيب إنت أخذته ع دكاترة استفدت شي؟ قال له لا و الله.قال له جرب الشيخ لكان مو خسران شي . و الشيخ بعالج مجانا ما ياخذ اجرة ،هو شيخ ببلدنا معروف مو دجال.فعلا ابي قال لي بكرا إن شاء الله بدك تروح.معي زيارة لعند رفيقي ع بيته ببلد اسمها حفير.رحنا ع حفير و رحنا لعند الشيخ الشيخ قاعدني قدامه ع ركبي حط يده ع قلبي و صار يقرأ قل هو الله احد و المعوذات و يتثاوب،بس خلص قال لأبي فعلا ابنك متلبسه جني و ابنك من البشر خفيفين الروح هذول بشوفوا الجن لما نطالعه منه و الجن بحكي بصوتهم.أنا سمعت ها لكلام انقطع قلبي خفت كثير، الجن ما رح طالعه هون،لازم ببيتك و بغرفته و با لفرشة يلي بنام عليها.
بعد بكرا إن شاء الله ،منزورك با لبيت و منعمل يلي بقدرنا الله عليه.رجعت ع البيت صلي و أدعي يا رب خلصني من الجن بدون ما شوفه و لا يحكي بصوتي،يا رب لو شفته رح بتخيله كل ما بدي نام و ما رح نام ابدا.فعلا بعد يومين،بعد العصر إجى رفيق أبي و الشيخ لعندنا ع البيت.
أنا ما شفتهم لما إجوا، نادالي أبي قال لي إجى الشيخ،تعال على غرفتك.فتت ع الغرفة كانوا طافين الضو و مشغلين شمعة وحدة بس و عود بخور واحد ع الغاز.
قال لي الشيخ تعال إتسطح ع الطراحة يلي تنام عليها با لعادة و تشوف كوابيس.نمت ع الطرحة قال الشيخ لأبي هات شرشف ابيض، غطاني فيه من راسي لرجلي.حط يده ع راسي من فوق الغطا ،و صار يقرأ قرآن شي 5 دقائق .ملاحظة: انا كنت مثل أبي ما صدق الجن يتلبس الإنس و قول خرافات ،لهيك هلق تشوفوا كيف صرت ساير. الشيخ و بعدين احاول فشله و كذبه.المهم بعد 5 دقائق قراءة قرآن، الشيخ صار يتثاوب و يقول لي يا عمر شو شايف إنت هلق با لحارة.قدام بيتكم شو شايف ؟!!!
قلت له مو شايف شي ،قال لي طيب شايف سيارتي /كمان انا مو شايف شي،بس حتى سايره وما خجله قدام أبي و رفيقه/قلت له إي شايفها/قال لي حلو طيب شو. لونها،العمى انا ما شفته لما إجى و ما بعرف لو إجا بسيارة و لا بسرافيس اصلا.قال. لي شو لونها شبك سكتت مو شايفها قول لنا شو لونها.قلت له مو شايف شي،عصب علي قال لي شو عنلعب نحنا ،إذا مو شايف لا تقول شفت.قرأ قرآن كمان شي دقيقتين بعدين قال لي إنت هلق طاير با لمقبرة شايف القبور .قلت له لا ما شايف شي،قال لي طيب المهم خليك صادق معي و لا تقول شفت إذا ما شفت.بعدين قال لابي في شي غريب المفروض عمر يشوف الجني طبعا ع غير صورته يشوفه بصورة كلب او قط اسود و الجن يحكينا بصوته.هون أنا زاد شكي إن ها لشيخ دجال و كذاب بس بنفس الوقت حمدت ربي إن استجاب دعائي و ما شفت الجن و لا حكى بصوتي.بعدين قال لابي هات عود البخور ،شمر كم القميص و صار يحرقني بنص يدي بس ما حس بوجع الحرق بس وجع عود البخور كانك تغز قلم او عود بيدك.يقرا قرآن و يتثاوب كثير كثير،و يحرق بيدي كأن له ثأر مع يدي. يحرق بقوة.بعدين ما سمعنا الشيخ إلا قال إعطينا إشارة إنك موجود ، وين إنت ،بيده ؟!!!
إعطينا إشارة ،فعلا ترك الشيخ يدي صارت تهز لحالها ،أنا قلت عادي تهز طالما كانت مرفوعة طول ها لوقت.قال الشيخ هات إشارة غير ،العمى صارت يدي ترتفع لفوق لحالها شوي شوي و الشيخ بعيد عني،أنا كبرت برأسي صرت بدي فشل الشيخ يدي ترتفع شوي شوي و انا أنزلها ،هههههه يمكن حس علي الشيخ إني ع كذبه.قال بصوت قوي لك إرفعها منيح.صارت يدي ترتفع بقوة كأن حدا ع ينترها نتر ،صرت نزلها ما تنزل ،الله اكبر شو ع يصير ،لك شد يدي لتحت ما تنزل ما حدا ماسكها الشيخ بعيد عني و ع يقرأ قرآن و كل شوي نسمع إن ع يحكي مع الجن. هون بدأت صدق الشيخ.بعدين قال الشيخ خلص نزل يده شوي شوي صدقناك.قال شو دينك إنت ،يهودي؟! ليش تلبست عمر،حتى ما يصلي؟!أسلم أسلم ،ما بدك،طيب بدك تطلع منه ،بتطلع؟ بعدين الشيخ قال بصوت قوي ما فشرت ما فشرت،قال لأبي قال بيطلع بس من عين عمر،تعرف لو طلع من عينه بيعميه هو وطالع.رجع جاب عود البخور و يقرأ قرآن و يحرق بيدي، شو تطلع من إبهام رجله اليسار،غصب عنك أو بظل بحرق فيك لبكرا .
يا لله طلاع ،صار الشيخ يقول هو هلق با لصدر ،صار با لرجل اليسار، و قال لي هلق رح يطلع من أصابع رجلك اليسار،رح تحس مثل البخار رح يطلع من اصابع رجلك،فعلا و الله مثل ما قال صار،طلع مثل البخار من أصابع رجلي و بس طلع، و الله العظيم راح وجع الرأس الحمد لله و رأسي خف كثير . و طلعت ع يدي ما فيها شي من أثر الحرققال الشيخ قوموا نصلي ركعتين شكر لله ،صلينا و عطاني شي مثل الحجاب مو حجاب مثل تبع هذيك الدجالة .فتحته ولا كتاب حصن المسلم ،قال لي حصن نفسك با لأذكار ،إنت جسمك صار مخترق،لو ما حصنت نفسك،ممكن بأي لحظة يرجع يتلبسك الجني نفسه أو غيره.
بدأت القصة لما كنت بصف الثالث ثانوي(بكالوريا).
وجع رأس ليل نهار ،لمدة أول أسبوع كنت آخذ 3 حبات سيتامول لوجع الرأس يوميا لحتى يخف الوجع و بس انتهى مفعول الحبة يرجع وجع الرأس،ثاني أسبوع ما عد نفع حبة حبة صار لازم حبتين حبتين مرة وحدة ليخف الوجع.
أخذت حبتين لمدة يومين و وقفت.
رحت ع الدكتور فحصني قال الدكتور لأبي ابنك ما فيه شي ،وجع رأس عادي قال له أبي شو عادي وجع رأس ما ع يخف إلا بحبتين سيتامول كل مرة.
كل هذا ع حساب البكالوريا ما كنت أدرس شي.
بعدين لقيت حل لوجع الرأس إني نام ،كنت روح ع المدرسة ألتهي با لدوام بس ارجع ع البيت اتغدا و فوت على غرفتي يرجع وجع الرأس ما ارتاح منه إلا با لنوم و أول ما فيق يرجع وجع الرأس.
إي و بعدين مع ها لحالة إيمت بدي ادرس ، أمي حكت شو صاير معي لخالتي ،قالت خالتي ليكون حدا عامل له سحر،ساحره.
سمعت في شيخة بدير سلمان تعرف لو مسحور او لا و لو مسحور تفك السحر،خالتي حكت هيك بطيب نية.
راحت امي و خالتي لعند ها لشيخة و مو عارفين إن ها لشيخة هي الساحرة و الدجالة.عطتهم حجاب قالت لأمي إحشيه با لمخدة يلي بنام عليها.
هي أمي حطت الحجاب من هون با لمخدة و انا صرت شوف كوابيس .
يا محلا قبل ما تروح ع الشيخة كنت نام بدون كوابيس، و ها لدجالة بدل ما تكحلها عمتها.
يوم من الأيام جيت نام ، حسيت المخدة سميكة كثير شو فيها ها لمخدة حجار.
مزقت خيطان المخدة و فتحتها لقيت ورقة ملزقة بلزيق كثير ،جبت سكين و قطعت اللزيق شوي شوي لحد ما وصلت للورقة يلي ملفوفة ع بعضها ،فتحتها مكتوب فيها اسمي و اسم امي و طلاسم ما فهمت منها شي و آخر شي مكتوب آية الكرسي با لمقلوب.
هون عرفت سبب الكوابيس و إن لو ما كان معمول لي سحر من قبل ، ها لدجالة عملت لي سحر.
و لهلق وجع الرأس لسه ما فارقني و الدراسة أبدا ،كان باقي للفحص النهائي،شهر و انا لسه ما دارس شي.مقضيها نوم.
يوم من الأيام أبي حكى لرفيقه ،قال له يا ابو فلان ابني من صف الاول للحادي عشر من المتفوقين دائما،وصل ع البكالوريا ما ع يدرس شي ليكه باقي شهر للامتحان ما دارس شي دائما بيشكي من وجع رأس ما بخف عنه إلا با لنوم.
قال رفيقه إن شاء الله شفاؤه ع يد الشيخ فلان، زوجتي كانت مثل ابنك وجع راس ليل نهار ،لحد ما رحنا ع هذا الشيخ طلع متلبسها جني و طلع الجني قدامي و الجن حكا بصوتها.
قال له أبي شو ها لحكي ما بصدق انا هك شغلات ، قال له طيب إنت أخذته ع دكاترة استفدت شي؟ قال له لا و الله.
قال له جرب الشيخ لكان مو خسران شي . و الشيخ بعالج مجانا ما ياخذ اجرة ،هو شيخ ببلدنا معروف مو دجال.
فعلا ابي قال لي بكرا إن شاء الله بدك تروح.معي زيارة لعند رفيقي ع بيته ببلد اسمها حفير.
رحنا ع حفير و رحنا لعند الشيخ الشيخ قاعدني قدامه ع ركبي حط يده ع قلبي و صار يقرأ قل هو الله احد و المعوذات و يتثاوب،بس خلص قال لأبي فعلا ابنك متلبسه جني و ابنك من البشر خفيفين الروح هذول بشوفوا الجن لما نطالعه منه و الجن بحكي بصوتهم.
أنا سمعت ها لكلام انقطع قلبي خفت كثير، الجن ما رح طالعه هون،لازم ببيتك و بغرفته و با لفرشة يلي بنام عليها.
بعد بكرا إن شاء الله ،منزورك با لبيت و منعمل يلي بقدرنا الله عليه.
رجعت ع البيت صلي و أدعي يا رب خلصني من الجن بدون ما شوفه و لا يحكي بصوتي،يا رب لو شفته رح بتخيله كل ما بدي نام و ما رح نام ابدا.
فعلا بعد يومين،بعد العصر إجى رفيق أبي و الشيخ لعندنا ع البيت.
أنا ما شفتهم لما إجوا، نادالي أبي قال لي إجى الشيخ،تعال على غرفتك.
فتت ع الغرفة كانوا طافين الضو و مشغلين شمعة وحدة بس و عود بخور واحد ع الغاز.
قال لي الشيخ تعال إتسطح ع الطراحة يلي تنام عليها با لعادة و تشوف كوابيس.
نمت ع الطرحة قال الشيخ لأبي هات شرشف ابيض، غطاني فيه من راسي لرجلي.
حط يده ع راسي من فوق الغطا ،و صار يقرأ قرآن شي 5 دقائق .ملاحظة: انا كنت مثل أبي ما صدق الجن يتلبس الإنس و قول خرافات ،لهيك هلق تشوفوا كيف صرت ساير. الشيخ و بعدين احاول فشله و كذبه.
المهم بعد 5 دقائق قراءة قرآن، الشيخ صار يتثاوب و يقول لي يا عمر شو شايف إنت هلق با لحارة.قدام بيتكم شو شايف ؟!!!
قلت له مو شايف شي ،قال لي طيب شايف سيارتي /كمان انا مو شايف شي،بس حتى سايره وما خجله قدام أبي و رفيقه/قلت له إي شايفها/قال لي حلو طيب شو. لونها،العمى انا ما شفته لما إجى و ما بعرف لو إجا بسيارة و لا بسرافيس اصلا.
قال. لي شو لونها شبك سكتت مو شايفها قول لنا شو لونها.
قلت له مو شايف شي،عصب علي قال لي شو عنلعب نحنا ،إذا مو شايف لا تقول شفت.
قرأ قرآن كمان شي دقيقتين بعدين قال لي إنت هلق طاير با لمقبرة شايف القبور .
قلت له لا ما شايف شي،قال لي طيب المهم خليك صادق معي و لا تقول شفت إذا ما شفت.
بعدين قال لابي في شي غريب المفروض عمر يشوف الجني طبعا ع غير صورته يشوفه بصورة كلب او قط اسود و الجن يحكينا بصوته.
هون أنا زاد شكي إن ها لشيخ دجال و كذاب بس بنفس الوقت حمدت ربي إن استجاب دعائي و ما شفت الجن و لا حكى بصوتي.
بعدين قال لابي هات عود البخور ،شمر كم القميص و صار يحرقني بنص يدي بس ما حس بوجع الحرق بس وجع عود البخور كانك تغز قلم او عود بيدك.
يقرا قرآن و يتثاوب كثير كثير،و يحرق بيدي كأن له ثأر مع يدي. يحرق بقوة.
بعدين ما سمعنا الشيخ إلا قال إعطينا إشارة إنك موجود ، وين إنت ،بيده ؟!!!
إعطينا إشارة ،فعلا ترك الشيخ يدي صارت تهز لحالها ،أنا قلت عادي تهز طالما كانت مرفوعة طول ها لوقت.
قال الشيخ هات إشارة غير ،العمى صارت يدي ترتفع لفوق لحالها شوي شوي و الشيخ بعيد عني،أنا كبرت برأسي صرت بدي فشل الشيخ يدي ترتفع شوي شوي و انا أنزلها ،هههههه يمكن حس علي الشيخ إني ع كذبه.قال بصوت قوي لك إرفعها منيح.
صارت يدي ترتفع بقوة كأن حدا ع ينترها نتر ،صرت نزلها ما تنزل ،الله اكبر شو ع يصير ،لك شد يدي لتحت ما تنزل ما حدا ماسكها الشيخ بعيد عني و ع يقرأ قرآن و كل شوي نسمع إن ع يحكي مع الجن. هون بدأت صدق الشيخ.
بعدين قال الشيخ خلص نزل يده شوي شوي صدقناك.
قال شو دينك إنت ،يهودي؟! ليش تلبست عمر،حتى ما يصلي؟!
أسلم أسلم ،ما بدك،طيب بدك تطلع منه ،بتطلع؟ بعدين الشيخ قال بصوت قوي ما فشرت ما فشرت،قال لأبي قال بيطلع بس من عين عمر،تعرف لو طلع من عينه بيعميه هو وطالع.
رجع جاب عود البخور و يقرأ قرآن و يحرق بيدي، شو تطلع من إبهام رجله اليسار،غصب عنك أو بظل بحرق فيك لبكرا .
يا لله طلاع ،صار الشيخ يقول هو هلق با لصدر ،صار با لرجل اليسار، و قال لي هلق رح يطلع من أصابع رجلك اليسار،رح تحس مثل البخار رح يطلع من اصابع رجلك،فعلا و الله مثل ما قال صار،طلع مثل البخار من أصابع رجلي و بس طلع، و الله العظيم راح وجع الرأس الحمد لله و رأسي خف كثير . و طلعت ع يدي ما فيها شي من أثر الحرق
قال الشيخ قوموا نصلي ركعتين شكر لله ،صلينا و عطاني شي مثل الحجاب مو حجاب مثل تبع هذيك الدجالة .
فتحته ولا كتاب حصن المسلم ،قال لي حصن نفسك با لأذكار ،إنت جسمك صار مخترق،لو ما حصنت نفسك،ممكن بأي لحظة يرجع يتلبسك الجني نفسه أو غيره.
